جبل مرة

استعرض الموضوع السابق استعرض الموضوع التالي اذهب الى الأسفل

جبل مرة

مُساهمة  الدين عثمان محمد الدين في الثلاثاء أبريل 20, 2010 3:43 pm

[youtube] [/youtube]








الدين عثمان محمد الدين
Admin

عدد المساهمات: 94
تاريخ التسجيل: 31/03/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: جبل مرة

مُساهمة  الدين عثمان محمد الدين في الثلاثاء أبريل 20, 2010 3:49 pm

منقول من موقع رفاعة أونلاين

رفاعة أونلاين

ياسر الخليفة

من نيالا ونحنا ماشين علي جبل مرة ، سيد اللوري حلف بالتقطعو ما يرفعنا معاهو الا نديهو خمسين الف ، نحنا كنا اربعة ، دكتور عثمان قال لي سيد اللوري ( ياخي نحنا طلبة نجيب ليك خمسين من وين بس) .. سيد اللوري عاين فينا زين وقال ( طلبة شنو ، انتو الواحد فيكم شنبو يكتف العز ، بطلو الاستهبال دا ، اركبو خلاص بي اربعين ).. ركبنا اللوري واتحركنا .. اللوري كان مليان بروش وسعف .. الهوا ضربني وبديت اغني (سيبني في عز الجمر ) .. دكتور امير ماعجبو غناي ( جمر شنو ياخي ،شوف ليك غنا فرايحي شوية ) ..عثمان رشح لينا غنية خفيفة وبقينا نغني ( يابنات المدرسة نادو ليا المدرسة ).. ربة تقيلة ..الدرب مليان حصين وجمال وقرود ..لمن وصلنا كاس ، عثمان اشترى ليهو هالوك ، .. الهالوك في شكلو وطعمو قريب للعنكوليب ..انا كنت قايل الجبل دا زيو وزي اي جبل ، تعاين ليهو من بعيد وتشوفو كويس .. لمن وصلنا نيرتتي ، سالت سيد اللوري ،انت الجبل وينو ؟؟ قال لي ( النحنا فيهو دا شنو ، ما دا الجبل ذاتو ).. راسي كبس .. دكتوراشرف زول مسقف وشاطر ، قال لي ( جبل مرة ارتفاعو تدريجي ، حاجة كدا زي الهضبة ، عشان كدا ماب تشوفو من بعيد ، فهمتا يا سبلوقة ؟) ..مشينا الاستراحة ، لقيناها فايرة بي ريحة الخمرة والدلكة ،.. الظاهر انو في عرسان كانو فيها ولخبتو الواطة ... قوم يا عثمان وامير انسرقو وخشو في مزرعة قصب سكر ، واقطعو القصب الغلاد وتعالوا صادين .. وبقينا الليل كلو نمص في القصب ونتفن ، ردمنا الاوضة بالقصب ... تاني يوم مرقنا الصباح بدري ..دي سماحة شنو ياربي .. الخدرة ماليا الواطة .. البرتكان اب صرة والقرفتن ويوسف افندي ، شنو المافي .. مشينا بركة الشيطان وشلال نلمي وقلول ... ونحنا راجعين من قلول لمو فينا جماعة من اهل الجبل ، حلفو الا نخش البيت ويكرمونا .. جابو لينا عصايد اشكال والوان ..عصيدة بي تقلية ، وعصيدة بي كجيك ، وعصيدة بي مرس ... وطقينا معاهم الحنك .. واحد منهم قال لينا نحنا هنا في دارفور بنسمي عصيدة الدخن ( الدامرقا ) .. ضربنا العصيدة لمن عرقنا ... ودعناهم ، ونحنا مارقين ، ادونا كيس ملفوف .. (يا اخونا دا كتير والله ، انتو ما قصرتو معانا ..) .. واحد منهم ، شاب وسيم ، سالني ( بتعرف خميس طويرة ؟؟ ) ..قولتو ( يطرشني ، بس سمعت بي خميس مشيط ) ..ضحك وقال لي(0الكيس دا فيهو خميس طويرة ، لو جعتو اكلو منها ) ... دا كرم ما معقول ..شلنا الكيس ورجعنا الاستراحة ..اخد لينا تلاتة يوم في الجبل .. استمتعنا بالجبل وبي اهلو الكرام ....
الله يصرف الحرب الفي دارفور دي .. ناس دارفور مابستاهلو الشقا دا .. السلاح عمرو ما بحل مشكلة ..
ويا صديقي الفوراوي الجميل د.خالد سراج ..لن انسى دموعك العزيزةوانت تبلل بها كتفي لحريق اهلك في دارفور .... ويلا نمشي لي جبل مرة ...

الدين عثمان محمد الدين
Admin

عدد المساهمات: 94
تاريخ التسجيل: 31/03/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: جبل مرة

مُساهمة  الدين عثمان محمد الدين في الثلاثاء أبريل 20, 2010 4:01 pm

كلمات اغنية جبل مرة
مرسال الشوق يالكلك ذوق
أغشى الحبان في كل مكان
قليهم شفنا جبل مرة
وعشنا لحظات حب ومسرة
بين غيمة تغازل كل زهرة
وخيال رمانة على المجرى
مرسال الشوق.....
لوحة فنان تمحى الأحزان
صفرة وحمرة
زرقة وخضرة
وزحمة نضرة
زهر ريان نادي وبسام
بالحيل داير ريشة رسام
جيرانه جداول هيمامة
وصنوبرة نادية وريانة
وزمردة في صورة بانة
طرنا العزيرة العاجبانا
الدرنا تكون هس معانا
طرنا الحنينة العاجبانا
الدرنا تكون هس معانا
طرنا منانا العاجبانا
الدرنا تكون هس معانا
ونشوف بعيونا العاجبانا
وتتم الصورة الفنانة
ونقول ياربنا ياقادر
ياواهب كل الشي النادر
يالفنان أمرك صادر
تجمعنا كمان مرة ومرة
في وطنا الغالي جبل مرة

الدين عثمان محمد الدين
Admin

عدد المساهمات: 94
تاريخ التسجيل: 31/03/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: جبل مرة

مُساهمة  الدين عثمان محمد الدين في الثلاثاء أبريل 20, 2010 4:07 pm


الدين عثمان محمد الدين
Admin

عدد المساهمات: 94
تاريخ التسجيل: 31/03/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: جبل مرة

مُساهمة  خالد نورالدين محمد علي في الأربعاء أبريل 21, 2010 12:04 am

يا سلام عليك يا دكتور وعلى الكلام السمح الكتبو هذا السائح الفنان ده في جبل مرة في تلك الأيام الجميلة.....أحلى شئ هنا أغنية أبو عركي البخيت التي عندما تسمعها تحس إنك فعلا في الجبل وشلالاته و أشجاره الوارفة و مناظره التي تأسر الألباب...ولا يضاهي أبوعركي في الغناء للجبل إلا خليل إسماعيل في رائعته:
لو زرت مرة جبل مرة
يعاودك حنين طول السنين
تتمنى تاني تشوفا مره
نسأل الله أن تعود تلكم الأيام الجميلة ويحل الأمن والسلام.....ويرجع الناس هناك لديارهم ومزارعهم ووديانهم ويعودوا بالجبل سيرته الأولى.

خالد نورالدين محمد علي

عدد المساهمات: 40
تاريخ التسجيل: 08/04/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: جبل مرة

مُساهمة  الدين عثمان محمد الدين في الأربعاء أبريل 21, 2010 2:16 am

الأخ خالد نورالدين

شكرا لك على المداخلة وفعلا نتمنى أن تعود لنا تلك الأيام الجملية التي كنا فيها نستغل عطلات المناسبات الدينية والقومية وأيام الجمعة للقيام برحل إلي جبل مرة وغابة كرديتو, وسوق نربوا وقيري وأجكاري وبقية المناطق وجبل مرة طبعا يمتاز جوه بمناخ البحر الأبيض المتوسط والأمطار كانت فيها تهطل بغزارة والشلالات الطبيعية التي تجلت فيها قدرة الخالق الذي صورها في أجمل وأحسن صورة ومناطق الجبل المختلفة تتميز بتنوع النباتات والخضر والفواكه. وكل منا يعرف بأن قلول تتميز بغاباتها الطبيعية المليئة بأشجارالكافور التي تعطر الجو بعطر طبيعي جميل والأشجار تتميز بأطوالها الفارعة وسمكها الرقيق ونرتتي التي بها بركة الفيل وبركة الشيطان ومرتجلو التي تتميز بشلالها وكثرة القرود. وضريبة التي هي عبارة عن بحيرة الفوهة البركانية لجبل مرة والتي توجد فيها بحيرتان أحدهما دائرية والأخرى مستطيلة وبها أشجار كثيفة.

ولا ننسى في زالنجي وادي أريبو التي كانت تمثل خطورة للذين يحاولون عبوره عند إمتلاءه وأرسال شخير مياهه التي تجري بسرعة فائقة وحبوبتنا عليها رحمة الله كانت حينما تسمع صوته مرتفعا تقول لينا الليلة وادي أريبو زعلان شديد والناس لو ما عملوا حسابهم حياكل واحد منهم.

وملتقى وادي أريبو مع وادي أزوم والتي تصلح للمشاهدات الطبيعية والتمتع بالطبيعة الخلابة.

نسأل الله أن يعيد لنا تلك الأيام الجميلة.

مرة كنت منتظر أحد الأخوة في صينية الأربعين بأمدرمان وعليه جلست عند ست شاي لكي أشرب شاي, وكان يوجد شخص أيضا يشرب شاي, وبعد أن تجاذبنا أطراف الحديث قال لي من وين أنت؟ قلت ليه أنا من زالنجي. قال لي: يا الله, ربنا يلعن من كان السبب في تدمير دارفور, وبدأ يحكي لي, قال لي بأنه من أمدرمان ودرس في الثانوي في مدرسة نيالا الفنية في السبعينات من القرن الماضي, وكانوا يسكنون في داخلية المدرسة الفنية بنيالا وفي يوم الخميس بمشوا للسوق, قال مرات التجار يسألوهم: من وين إنت يا وليدي ووليد منو؟, قال عندما كانوا يوضحوا لهم بأنهم من أمدرمان وهم طالب في مدرسة نيالا الفنية معظم التجار كانوا يقولوا ليهم يا سلااااااااااااام يا وليدي هسي جيتي من أم درمان عشان تقرى هنا, ومرات يدوهم بعض الأشياء مجانا مثل البلح ومرات يدوهم قروش, الواحد يدخل يده في جيبه ويطلع خمسه قروش ويقول ليه يا وليدي خلي ده معاك مصاريف, قال لي أصحاب اللواري كان يرفضوا أن يأخذوا منهم قروش عندما يعرفوا بأنهم طلاب.

بالله شوف الناس زمان كانوا كيف والطيبة كانت كيف.

الدين عثمان محمد الدين
Admin

عدد المساهمات: 94
تاريخ التسجيل: 31/03/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: جبل مرة

مُساهمة  ابتهال التجاني في الثلاثاء يونيو 08, 2010 12:42 am

بسم الله الرحمن الرحيم
اولا الاخ الدين لك التعازي الحارة في الوالد واسكنه الله فسيح جناته

أصبحنا يتامه والحمد لله لكن اثمرت تربيتهم وما تركونا للزمن وتغلباته بل كل منا مسؤل ومدرك للحياة لك التحية مرة اخرى اخي الدين وأنت تعبر
عنرجبل مرة بهذه الصورة الرائعة واتحفتنا بصوره الجميلة مارتجلو قلول نيرتتي ابدع ما صور الرحمن واذكر أن الاخت اشراقة حملت معها صور من جبل مرة ونحن اطفال نلعب بالبرتقال اب صرة خلفنا بركة الفيل والشلال سألتها احد زميلاتها الصورة دي وين واندهشت لما عرفت انها في دارفور وجبل مرة بالتحديد
نعم كنا في نعمة وحفاوة اهلنا الفور وصدقهم وكنا نتمتع وسطهم بالحب وكان الوالد عليه رحمةالله بمثابة الأب وهو يخرج معهم للصيد والرحل المدرسية كان يرفه لابناء الداخلية ولنا زكريات عديدة في جبل مرة وكنا ننحت أسماءنا على الاشجار للتاريخ ونلعب بين جداول الماء واذكر مرة نحن في الخرطوم في سوق أم درمان منشتري الويكة والشطة قالت لنا البائعة شيلو الكول دا يابناتي مفيد للجسم عشان انتو بنات صغار قالو بيحمي من السرطان قلنا ليها هو مصنوع من شنو يا حاجة قالت لينا من عروق الاشجار اظن اندهشت لما عرفت نحن من بلاد الكول والمرس والدامرقو وخميس طوير والبركيب نحن نفتخر بهذا التاريخ العظيم
وبهذه الثقافة دارفور هي السودان فيها كل الثقافات لكم التحية جميعا ودامت شمس عزنا ساطعة
يأوى الفتى في الارض مائة منزل
وحنينه أبدا لاول منزل
ابتهال

ابتهال التجاني

عدد المساهمات: 15
تاريخ التسجيل: 06/06/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: جبل مرة

مُساهمة  الدين عثمان محمد الدين في الخميس يونيو 10, 2010 12:46 am






الدين عثمان محمد الدين
Admin

عدد المساهمات: 94
تاريخ التسجيل: 31/03/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


صلاحيات هذا المنتدى:
لاتستطيع الرد على المواضيع في هذا المنتدى