أمثال دارفورية - 2

استعرض الموضوع السابق استعرض الموضوع التالي اذهب الى الأسفل

أمثال دارفورية - 2

مُساهمة  Admin في الأحد أبريل 04, 2010 6:20 pm

أم جركم ما باكل خريفين

الفي بطنو هرقص براهو بقوم برقص

أخوك كان حلقوه بل راسك

دنيا دبنقة دردقي بشيش

صاحب الرايحة بفتح خشم البقرة

لا بجدع ولا بجيب الحجارة

أبلاي برقبتو بربطوه من صلبو ماله؟

راكوبة في خريف, وأكل تفاتيف, وزيجة بت المرة اللفيف كلو منهم أقيف

الدبيب كان في خشمه جرادي ولا بعضي

الشوكاي بسلو بي قده

المليان ما بجلبغ

شجرة كان مالت بتكي في أخيه

أبصلومبويتي ولا كيدكاية زول

عجبت لي أبو عشي الأكل سكر ولا فتح سدادي

الراجل بي رجالو والبفنقل بي لابسو والكريم بي أم عيالو

العود كان ما فيهو شق ما بقول طق

ضربة أسد ولا نظرة حسد

الزعلان جرابو فاضي

كلاب كان داوسوا بخت أرنب

ركاب سرجين وقيع

صاحب بالين كضاب

السواي ما حداث

العندو ضهر ما بدقو في بطنو

الجمل ما بشوف عوجة رقبته

البباري القيف بنزلق

الجرب عضة الدابي بخاف من جرة الحبل

الحراش ما بكاتل

الجيعان ما ببرد العصيدة

مافي دخان من غير نار

العارف عزو مستريح

التسوي كريت في القرض تلقى في جلدك

غاب أب شنب ظهر أب ضنب

الخلى عادتو قل سعادته

ود الفار بطلع حفار

أخوك كان حلقوه بل راسك

لو كترت عليك الهموم دلدم ونوم

الراجل أفجخي بصله قبل ما يبقى أصله

الخيل تجقلب والشكر لي حماد

قام من نومو ولقى كومو

رسلوه ينادي الداية جاء يوم السماية

السمح سمح كان قام من النوم والشين شين كان مسحو كل يوم

عميان ومسكوه عصاية

وليدك كان كبر خاوي

السمح سمح كان زرعوه عيش يقوم قمح

كان نادوك لا تباطئ وكان ما نادوك قوم قاطع

شجرة كان هوززت ولا براو يا هبوباي يا أبلاي

لصيق الطين في الجلين ولا ببقى نعلين

أب جنقور في فاشر ولا عنده رأي

جقلو ولا مشي عرجه

كديسة ولا بنشال في طبق

نية كان في ... ناس بنوموا في عوداي وبغطوا بي خيطاي

جراداي في سروال ولا بعضي إلا قعاده ولا حلو

دبره في ووا ... قال أسمكو حمار أكوا

أبونقدح بعرفي بكان بعضي أخيه

مرمي الله ولابترفع

الجفلن خلهن اقرع الواقفات

عايرة وأدوها سوط

أخيك كان لقيتي عسل ما تلحسه كله

ألمي حار ولا لعب قعونج

الأيدو في الموية ما زي الأيدو في النار

من حلة في عجوز بموت

جلدا ما جلدك جر فيهو الشوك

العارف عزو مستريح

الحشاش بي دقنو

الجمل شكروه برك

البيتو بالقزاز ما يجدع بالحجار

أضان الحامل طرشة

أهلك كان كلاب ركبي ليك ضنب

داير يفتحها عماها

العترة بتصلح المشي

شوكة حوت لا بنبلع لا بفوت

جدادة الخلا طردت جدادة الحلة

موت الجماعة عرس

المال تلتو ولا كتلتو

ود الفار بطلع حفار

السمح ما أكال

الشين قنيع

البحر باكل عوامه

إتنين كان قالوا ليك راسك مافي ألمسا

الولف كتال

الجمل ما بشوف عوجة رقبته

الجمل ماشي والكلب بنبح

الباب البجيب الريح سده وإستريح

كان غلبك سده وسع قده

القلم ما بزيل بلم

جرادة في كفة ولا ألف طايرة

الطشاش في بلد العمى شوف

العافية درجات

الصقر كان وقع كترت البتابت عيب

عشم إبليس في الجنة

التسوي بي أيدك يغلب أجاويدك

قفة أم أضانين بشيلوها إتنين

خربانة أم بنايا قش

محل رهيف بنقد

الحبل بنقطع محل رقيق

السواي ما حداث

القرد في عين أمه غزالة

مد كراعك قدر لحافك

طولك طول النخلة وعقلك عقل السخلة

Admin
Admin

عدد المساهمات : 42
تاريخ التسجيل : 31/03/2010

معاينة صفحة البيانات الشخصي للعضو http://zalingei-sd.homegoo.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى